邊嬸的胡事

邊嬸的胡事(一)
放工歸家自覺疲乏萬分，正準備在馬雜上挨下，歇一歇棚老骨，側見邊嬸眉頭緊皺，憂郁滄桑淒美乜都有，一臉愁雲惨霧，不時仲唉聲嘆氣，自說自道。心想咁重憂怨，怪唔得門口paul樹謝得仲快過我啲頭髮啦。家和事事興，家嘈屋閉樹落型真有其道理的。我遂問："家內您經巳係林巴温啦，甚麼人頭斧頭獅頭皆盡您打，胭脂水粉任買，仲會有煩心事?"邊嬸不為所動，仍然唉聲如舊。我於是放柔把男粗音說："學隔鄰九哥同牛叔話頭，宜家真正嘅男人難找，好(似我咁嘅)男人更難尋。"括號中的話是不用給邊嬸知曉的，拜托。邊嬸終於接口："車，您以為我懵左唄，定啲啦。拿拿林歷張十蚊同五蚊出來，山人自有妙用。"於是我從荷包拿出買少見少的五蚊和十蚊紙各一張來，邊嬸一手揸住晒仲問我點睇?我話傻佬都知會攞張十蚊紙啦，邊嬸話您先正傻人，我唔懵，我大小通吃，有食錯無放過，邊講邊將两張银紙袋袋平安，我急急地說，啲錢係等住尼買煙仔架。嘿，您錢即係我錢啫，我為頭家買柴燒，笛米煮，交房貸，養葵鼠(亚嬌的寵物)，唔容昜架。我不無怨氣道："講下理由，民主少少好嗎?"誰知邊嬸又一通說話："現在不民主嗎?您係民來我係主，分工合作啫，我收您獲，够晒自由，够晒民主囉"。嘩，咁都得。有時檔次不同，只會開口及着脷。我想以我來講，一係娶個無才便是德連大字都唔識隻，一是娶個女大文豪才般配吧，娶個識少少扮代表嘅巴渣希唔戟死都嘔血啦。維持一頭家係唔容昜，大家都要包容忍讓，但唔係時時都係我忍您唔忍，治家要靠道理而非靠強權高壓，邊嬸您确實要三思反思昜地而思呀。我正想以苦口婆心細說衷情邊嬸却再道："亚富巳經够晒我煩，您就唔好亚芝亚左了。"亚富係邊嬸個心，亚嬌是肝，我就係個肺而以，不過人人好多時都會懵閉閉，心肝唔啦肺，肺者廢柴也。通常邊嬸佔咗家庭半個舞臺，因為係以佢為主導，兒女各佔四分之一，有剩就全歸我所有，我也知足啦，好過很多男人連丁點舞臺地位都無。人比人時，的确會戟死人，比死人，氣死人。亚富有樣嘢好似我，就是讀書時被老師投訢多多。至少喱陣我知道邊嬸煩セ嘢了。啊，轉眼够鐘開飯，有時間再傾過啦。

邊嬸的胡事(二)
飯完茶畢煙頭屈，便問亚富："又セ嘢戟到您娘親扎扎跳呀?"個仔話："無セ，三封老師信啫......"咁又係嘅，平時每個禮拜亚富閑閑地都五六封學校投訴信啦，仲未曾打破我讀書果時啲紀彔巳覺老懷安慰了。再問個仔："今次又衰邊瓣?"仔作答："無乜，燎事斗非啫"。哈，個仔好似我咁，够晒自由淡定，就算黎緊滕條烄豬肉都臨危不亂有決斷。便叫個寶貝仔將幾對老師信递過來，一睇個仔小心翼翼地保護書包個樣我又在內心發笑，咁都似晒我。在七中讀書時由於老師嚴格，每每因遲到走堂缺課欠交作業加埋考試唔合格就梗有老師信到我屋企。每年紀念一次耶蘇受難節啫我就幾乎週週都係受難節，有時老豆發起火追出條街來便有父子齊跑馬拉松的景像，果陣叫老豆打仔，鍛練身體。我現在身體咁fit 咁够氣，都有賴當年接受老豆的特殊背景教育有關。七中管樂、田徑非常出名，皆因為七中學子够氣够fit，又是否家中老豆都兼任教練就不得而知了，希望不是吧，阿門。當時老豆多跑不贏我，但佢有法寶，佢有尚方寶劍，就係攞住我嘅書包，我就會任老豆教任老豆發火兼打死都唔走了，因為書包是我的至愛，是我生死相伴的學友，有書包才能與老師交流學到嘢，咁就令我與書包不離不棄同為一體。我雖然讀書唔叻也從無高分，但七中老師的循循善誘作育英才俯身苦心，使我學到了知識，着實令我一生都尊敬師門，愛戴他(她)們。我翻開第一封信，未讀完巳大聲叫："セ嘢話衰仔，您連亚哥都打，仲有無譜架......"邊嬸走埋尼睇睇，却道："哥鬼哥馬咩，迷係亚蘭嫁亚瑞果個仔囉。""咦，邊個Jack......""您果個舊書友吳智瑞呀，就係當年跳上臺演講，又話生又話死又話刀仔插大肶個位出前一兵囉，後來佢娶佐馬蘭花生落個仔，因為幾代單傳所以便取名叫吳亚哥，唔似您老豆咁好生養，啲仔女多到幾乎餓死乸咁滯。好，有嘢唔等拜山講都明天再講啦。熄燈，瞓教。"哇，跟住我頭頂即時一遍漆黑，伸手不見褲子，哎，邊嬸大權在握，咁您又有乜修。等天明，希望在明天，一於等......

邊嬸的胡事(三)
昨晚邊嬸熄燈早睡得早，今朝我醒得早起個早。古人有訓：黎明即起，洒掃庭厨。想做就去做，但為免惊動仍在夢鄉中的家人，我於是躡手躡脚到了厨房，哇，莫道君行早，仲有早來人。看見邊嬸巳像座佛咁坐在椅上沉思，望着她，我也浮想百萬千：邊嬸望六之人了，一絲两絲銀髮若隱若現。幸虧科技科學，有"神洲烏髮素"拔刀相助邊嬸，要不我幾成楊百勞的女婿大春哥了。邊嬸日日起早摸黑，棉乾棉濕，全家人的穿衣吃飯就包在她一人身上，仲要好天揾埋落雨柴，高強度的操勞在邊嬸臉龐上留下了歲月的痕迹，亦辛苦難為她了，有能力時誰不想也嘆番下享受下呢。奈何我們基礎差，起步遲，全靠两人同心合力，胼手胝足才打造出一個小康的家來。現巳稍有存款，有隔夜糧，注意言語沖撞下亦有講有笑(雖然不太多)，仲有頗為集中的自由自主的發揮......雖非天堂，但也算是一個可歇脚的地方，一個屬於自已的地方了。有誰不魂牽夢繞天堂?但美麗的天堂又在哪一方?告訴您吧，我的天堂是蘊覓在心底里的。邊嬸是惡些，但却又是個非常有决斷力的人。常言道，獅子領導一群羊，羊都是獅子。反之，獅子會成了羊。兵熊熊一個，將熊熊一窩就是這般道理。邊嬸和我時有争吵，少不免的了，茶杯也常常和杯盖磕磕碰碰的啦，可謂不打不相識，無爭無吵不夫妻，但我們皆將愛陷在其中，眼淚，傷痕和痛苦使我們家更堅強團結，頭腦發熱趨向成熟，不明就里變成世故，冲動轉變為慎重，這就是收獲啦。眾人皆知，冷漠仇恨挑剔只會引起無止境的争拗和對峙，反而用仁慈關愛善意才能修補裂痕。百忍不如一恕呢，一笑泯恩仇吧。包容原諒家中的嘈吵僅是夫妻两人的事，但團結就需要是三個人以上的事了。希望人類的認知力和數碼相機那般高、清、准、快，互不相伯仲。

天马行空注：学友情原创的系列粤语文章导读索引（请点击以下网址浏览任一篇文章）：
嬌妙的想事 http://salabasa.5d6d.com/thread-926-1-1.html
富貴的亂事 http://salabasa.5d6d.com/thread-924-1-1.html
邊叔的思事 http://salabasa.5d6d.com/thread-923-1-1.html
邊嬸的胡事 http://salabasa.5d6d.com/thread-922-1-1.html

收藏分享评分

學友情

回复引用

订阅 TOP

老虎头